October 21, 2023
October 21, 2023
എടപ്പാള്‍- ബഹ്റൈനിൽ നിന്ന് ഒമാൻ വഴി കൊച്ചിയിലെത്തിയ യാത്രക്കാരനെ കാണാനില്ലെന്ന് പരാതി. മലപ്പുറം ജില്ലയിലെ എടപ്പാള്‍ നടുവട്ടം സ്വദേശി വലിയപറമ്പില്‍ അബ്ദുല്‍ അസീസിനെയാണ് കാണാതായത്.
ഒക്ടോബര്‍ പതിമൂന്നിന് കൊച്ചി അന്താരാഷ്ട്ര വിമാനത്താവളത്തിൽ വിമാനമിറങ്ങിയ ഇദ്ദേഹം ഒരാഴ്ച കഴിഞ്ഞിട്ടും വീട്ടിലെത്തിയിട്ടില്ല. സംഭവത്തിൽ ഭാര്യ നെടുമ്പാശ്ശേരി പോലീസിലും ചങ്ങരംകുളം പോലീസിലും പരാതി നൽകിയിട്ടുണ്ട്.
ബഹ്റൈനിലെ സ്ഥാപനം വില്‍പന നടത്തിയ പണവുമായിട്ടാണ് നാട്ടിലേക്ക് തിരിച്ചതെന്ന് കൂടെ ജോലി ചെയ്യുന്ന സുഹൃത്തുക്കൾ ബന്ധുക്കളെ അറിയിച്ചിരുന്നു. കുടുംബത്തിന്റെ പരാതിയിൽ പൊലീസ് അന്വേഷണം ആരംഭിച്ചു. ഇയാളെ പറ്റി വിവരം ലഭിക്കുന്നവര്‍ ചങ്ങരംകുളം പോലീസ് സ്‌റ്റേഷന്‍ (04942650437), നെടുമ്പാശ്ശേരി പോലീസ് സ്‌റ്റേഷന്‍ (04842610611), അല്ലെങ്കില്‍ 8129398229 എന്ന ഫോണ്‍ നമ്പറിലോ വിവരം അറിയിക്കണം എന്ന് ബന്ധുക്കള്‍ അഭ്യര്‍ത്ഥിച്ചു.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/DwYqZdMYXUCGOpYy8tmMSU
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
