Breaking News
ഖത്തറിലെ ഇന്‍ഡസ്ട്രിയല്‍ ഏരിയയില്‍ അഞ്ച് കിലോമിറ്റര്‍ നീളമുള്ള 'സ്ട്രീറ്റ് 33' ഉദ്ഘാടനം ചെയ്തു | ഫുജൈറയിൽ മലയാളി യുവതി കെട്ടിടത്തിൽ നിന്ന് വീണ് മരിച്ചു  | ഖത്തറില്‍ ശക്തമായ കാറ്റിനം കടല്‍ക്ഷോഭത്തിനും സാധ്യത | കുവൈത്തിൽ ട്രാഫിക് ഫൈനുകൾ വർധിപ്പിക്കുന്നു | യുഎഇയിലെ അല്‍ ഇത്തിഹാദ്, അല്‍ വഹ്ദ റോഡുകളിലെ വേഗപരിധി കുറച്ചു | ദോഹയിൽ നിന്നുള്ള യാത്രക്കാർ കോഴിക്കോട്ടെത്തിയത് 22 മണിക്കൂറിന് ശേഷം,യാത്രക്കാർക്ക് തീരാദുരിതം നൽകി എയർഇന്ത്യ എക്സ്പ്രസ്സ്  | കാ​സ​ർ​കോ​ട്​ സ്വ​ദേ​ശി ദുബാ​യി​ൽ നി​ര്യാ​ത​നാ​യി | അമീർ കപ്പ്: ട്രോഫിയിൽ മുത്തമിട്ട് അൽ സദ്ദ് എസ്.സി | വെളിച്ചം ഖുർആൻ സംഗമം ഇന്ന് ഖത്തർ QNCC യിൽ | ഖത്തർ ആസ്ഥാനമായുള്ള ഇന്ത്യൻ ഫാഷൻ ഡിസൈനർക്ക് റഷ്യയിൽ പുരസ്കാരം |
കുവൈത്ത് പാര്‍ലമെന്റ് വീണ്ടും പിരിച്ചുവിട്ടു; ഭരണഘടനയുടെ ചില ഭാഗങ്ങള്‍ നാല് വര്‍ഷത്തേക്ക് സസ്‌പെന്റ് ചെയ്തു

May 11, 2024

news_malayalam_new_rules_in_kuwait

May 11, 2024

ന്യൂസ്‌റൂം ഡെസ്ക്

കുവൈത്ത് സിറ്റി: കുവൈത്ത് പാര്‍ലമെന്റ് വീണ്ടും പിരിച്ചുവിട്ടു. അമീര്‍ ശൈഖ് മിശ്അല്‍ അല്‍ അഹ്മദ് അല്‍ ജാബിര്‍ അല്‍ സബാഹിന്റേതാണ് നടപടി. ഔദ്യോഗിക ടെലിവിഷന്‍ ചാനലിലൂടെയാണ് അമീര്‍ ഇക്കാര്യം അറിയിച്ചത്. രാജ്യത്തിന്റെ ഭരണഘടനയുടെ ചില ഭാഗങ്ങള്‍ നാലുവര്‍ഷത്തേക്ക് സസ്‌പെന്റ് ചെയ്തിട്ടുമുണ്ട്. നാഷണല്‍ അസംബ്ലിയുടെ അധികാരങ്ങള്‍ അമീറും മന്ത്രിസഭയും ഏറ്റെടുക്കും.

സാമൂഹിക സുരക്ഷാ നിയമങ്ങൾ പുനഃപരിശോധിക്കുമെന്നും ആരും നിയമത്തിന് അതീതരല്ലെന്നും അമീർ വ്യക്തമാക്കി. ജുഡീഷ്യറി, സുരക്ഷ എന്നീ രണ്ട് അടിസ്ഥാന സ്തംഭങ്ങളിൽ അധിഷ്ഠിതമാണ് രാജ്യം. സുരക്ഷാ ഉദ്യോഗസ്ഥരോടുള്ള ബഹുമാനം ഭരണ സംവിധാനത്തോടുള്ള ബഹുമാനമാണ്. അവരുടെ അന്തസ്സ് വിട്ടുവീഴ്ച ചെയ്യാൻ ഞാൻ അനുവദിക്കില്ല.”
“നമ്മുടെ രാജ്യം പ്രയാസകരമായ സമയങ്ങളിലൂടെയാണ് കടന്നുപോയത്, ഈ സാഹചര്യങ്ങളിൽ നിന്ന് കരകയറണം. ഭരണഘടനാ ചട്ടങ്ങൾ ലംഘിക്കുന്ന നടപടികളാണ് രാജ്യത്ത് നടക്കുന്നതെന്നും ചിലർ വെച്ചുപൊറുപ്പിക്കാനാവാത്ത വിധം അതിരു കടക്കുകയാണ്. ചില പ്രതിനിധികൾ അമീറിന്റെ അധികാരങ്ങളുടെ കാതലായ ഭാഗങ്ങളിൽ ഇടപെടാൻ വരെ തയ്യാറായി. രാജ്യത്തിന്റെ താൽപ്പര്യങ്ങൾ തടസ്സപ്പെടുത്തുന്നതും പൊതു പണം പാഴാക്കുന്നതും അനുവദനീയമല്ല.

ആരും നിയമത്തിന് അതീതരല്ല. പൊതുപണം കൈപ്പറ്റുന്ന ആരായാലും അയാളുടെ സ്ഥാനമോ ശേഷിയോ പരിഗണിക്കാതെ ശിക്ഷിക്കപ്പെടും. സുരക്ഷാ ഉദ്യോഗസ്ഥരുടെ അന്തസ്സ് വിട്ടുവീഴ്ച ചെയ്യാൻ അനുവദിക്കില്ല.

സുരക്ഷ വളരെ പ്രധാനപ്പെട്ട വിഷയമാണ് അതിൽ താൻ അതീവ ശ്രദ്ധ ചെലുത്തും. മുൻ വർഷങ്ങളിൽ രാജ്യം അനുഭവിച്ച അനാരോഗ്യകരമായ അന്തരീക്ഷം അഴിമതിയുടെ വ്യാപനത്തെ പ്രോത്സാഹിപ്പിച്ചുവെന്നും അമീർ പറഞ്ഞു.

ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/Iq3CVicSDrS1LvIBvvkToc
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക -  https://whatsapp.com/channel/0029Va9k1sH3rZZiZHLfLm0F


Latest Related News