August 28, 2024
August 28, 2024
കുവൈത്ത് സിറ്റി: കുവൈത്തിൽ സര്ക്കാര് സ്ഥാപനങ്ങളില് ജോലി ചെയ്യുന്ന 60 വയസും അതിനുമുകളിലും പ്രായമുള്ള പ്രവാസി ഉപദേഷ്ടാക്കളുടെ കരാര് പുതുക്കുന്നത് അവസാനിപ്പിക്കുന്നു. കുവൈത്തിലെ മന്ത്രിമാരുടെ കൗണ്സിലിലാണ് ഇത് സംബന്ധിച്ച തീരുമാനമുണ്ടായത്. രാജ്യത്തെ തൊഴിലാളികളെ പുനസംഘടിപ്പിക്കുന്നതിനും കാര്യക്ഷമമാക്കുന്നതിനുമുള്ള ഗവണ്മെന്റിന്റെ നിരന്തരമായ ശ്രമങ്ങളുടെ ഭാഗമായാണ് തീരുമാനമെന്ന് മന്ത്രിമാരുടെ കൗണ്സില് അറിയിച്ചു.
നിരവധി പ്രവാസികള്ക്ക് തിരിച്ചടിയാവുന്ന തീരുമാനമാണിത്. കഴിഞ്ഞ മെയ് മാസത്തില് പുതിയ മന്ത്രിസഭ അധികാരത്തില് വന്നതിന് ശേഷം നടപ്പിലാക്കുന്ന ശക്തമായ സ്വദേശിവല്ക്കരണ നീക്കത്തിന്റെ ഭാഗമായാണ് നടപടി. 2025 മാര്ച്ച് 31ന് മുമ്പായി ഈ മേഖലയില് ജോലി ചെയ്യുന്ന 60 വയസ്സ് കഴിഞ്ഞ എല്ലാ പ്രവാസികളുടെയും സേവനം അവസാനിപ്പിക്കാനാണ് തീരുമാനം. ഇതനുസരിച്ച് പ്രവാസി ഉപദേഷ്ടാക്കളുടെ അവസാന പ്രവൃത്തി ദിവസം 2025 മാര്ച്ച് 31 ആയിരിക്കുമെന്ന് സര്ക്കാര് വൃത്തങ്ങളെ ഉദ്ധരിച്ച് പ്രാദേശിക മാധ്യമങ്ങള് റിപ്പോര്ട്ട് ചെയ്തു. ഈ തീരുമാനം അന്തിമമാണെന്നും ഇതില് ഏതെങ്കിലും രീതിയിലുള്ള മാറ്റങ്ങളോ ഇളവുകളോ ഉണ്ടായിരിക്കില്ലെന്നും അധികൃതര് അറിയിച്ചു.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/FxcpaKzzbtR4LadT0rnH7K
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
