November 19, 2023
November 19, 2023
ഗസ: ഗസയിലെ ബുറൈജ്, നുസെറാത്ത് എന്നീ അഭയാർഥി ക്യാമ്പുകൾക്ക് നേരെ ഇസ്രായേൽ നടത്തിയ വ്യോമാക്രമണത്തിൽ 31 പേർ കൊല്ലപ്പെട്ടതായി ഗസ ആരോഗ്യമന്ത്രാലയം അറിയിച്ചു. ഗസയിലെ അഭയാർത്ഥി ക്യാമ്പുകൾക്ക് നേരെ ഉണ്ടായ അഞ്ചാമത്തെ ബോംബാക്രമണമാണിത്. നിരവധി പേര്‍ കെട്ടിടാവശിഷ്ടങ്ങളില്‍ കുടുങ്ങിക്കിടക്കുന്നതായാണ് റിപ്പോർട്ട്.
ഗസ മുനമ്പിലെ ചെറിയ അഭയാർത്ഥി ക്യാമ്പാണ് ബുറൈജ്. യുണൈറ്റഡ് നേഷൻസ് റിലീഫ് ആൻഡ് വർക്ക്സ് ഏജൻസി ഫോർ ഫലസ്തീൻ അഭയാർത്ഥികളിൽ (UNRWA) രജിസ്റ്റർ ചെയ്തിട്ടുള്ള ഏകദേശം 46,000 ഫലസ്തീൻ അഭയാർത്ഥികളാണ് ഇവിടെ താമസിക്കുന്നത്.
അതേസമയം, നവംബർ 4നും ബുറൈജ് അഭയാർഥി ക്യാമ്പിന് നേരെ ഇസ്രായേൽ വ്യോമാക്രമണം നടത്തിയിരുന്നു. ആക്രമണത്തിൽ 15 പേരാണ് കൊല്ലപ്പെട്ടത്. സെൻട്രൽ ഗസയിലെ റെസിഡൻഷ്യൽ കെട്ടിടത്തിലാണ് ആക്രമണമുണ്ടായത്.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
