ഇന്ത്യൻ വിദേശകാര്യ മന്ത്രി ഡോ. എസ്. ജയശങ്കർ കുവൈത്തിൽ എത്തി
August 18, 2024
August 18, 2024
ന്യൂസ്റൂം ബ്യുറോ
കുവൈത്ത് സിറ്റി : കുവൈത്ത് വിദേശകാര്യ മന്ത്രി ഡോ. എസ്. ജയശങ്കർ ഹ്രസ്വ സന്ദർശനത്തിനായി കുവൈത്തിൽ എത്തി.കുവൈത്തിലെ ഇന്ത്യൻ സ്ഥാനപതി ഡോ ആദർശ് സ്വൈക്യയും മറ്റ് മുതിർന്ന ഉദ്യോഗസ്ഥരും ചേർന്ന് അദ്ദേഹത്തെ സ്വീകരിച്ചു.
കുവൈത്ത് വിദേശകാര്യ മന്ത്രി അബ്ദുല്ല അലി അല്-യഹ്യയുമായി അദ്ദേഹം കൂടിക്കാഴ്ച നടത്തി. ഇന്ന് വൈകീട്ട് പ്രവാസി സംഘടന നേതാക്കളുമായും മന്ത്രി ചർച്ച നടത്തും.
ഇരു രാജ്യങ്ങളും തമ്മിലുള്ള ഉഭയകക്ഷി ബന്ധം മെച്ചപ്പെടുത്തുന്നതിലൂന്നിയുള്ള ചർച്ചകൾ മന്ത്രിയുടെ സന്ദർശനത്തോടനുബന്ധിച്ച് നടക്കും. രാഷ്ട്രീയം, വ്യാപാരം, നിക്ഷേപം, ഊർജം, സുരക്ഷ, സാംസ്കാരിക മേഖലകൾ, കോൺസുലർ കാര്യങ്ങൾ, പ്രവാസികളുമായി ബന്ധപ്പെട്ട വിവിധ വിഷയങ്ങൾ കൂടിക്കാഴ്ചയിൽ ചർച്ചയാകും. പരസ്പര താൽപ്പര്യമുള്ള പ്രാദേശിക, അന്തർദേശീയ വിഷയങ്ങളിലെ വീക്ഷണങ്ങൾ കൈമാറുന്നതിനും സന്ദർശനം അവസരമൊരുക്കുമെന്ന് എംബസി വാർത്താകുറിപ്പിൽ അറിയിച്ചു.
