October 30, 2024
October 30, 2024
ദോഹ: ഗസയിലെയും ലെബനനിലെയും സംഭവവികാസങ്ങൾ അന്താരാഷ്ട്ര നിയമങ്ങളോടും മാനുഷിക മൂല്യങ്ങളോടുമുള്ള അനാദരവിൻ്റെ തെളിവാണെന് ഖത്തർ വിദേശകാര്യ മന്ത്രാലയത്തിൻ്റെ ഔദ്യോഗിക വക്താവ് ഡോ. മജീദ് ബിൻ മുഹമ്മദ് അൽ അൻസാരി പറഞ്ഞു. ഇസ്രായേലി സൈന്യത്തിന്റെ ദിവസേനയുള്ള കുറ്റകൃത്യങ്ങളുടെയും കൂട്ടക്കൊലകളുടെയും എണ്ണത്തിനൊപ്പം അപലപിക്കാൻ പോലും കഴിയാത്ത അവസ്ഥയിലേക്ക് ഗസയിലെ സാഹചര്യം എത്തിയതിൽ ഖേദം പ്രകടിപ്പിക്കുന്നുവെന്നും, ഒരു വർഷത്തിലേറെയായി തുടരുന്ന നിരന്തരമായ ഭയാനകമായ യുദ്ധത്തിനിടയിൽ അന്താരാഷ്ട്ര സമൂഹം സ്വയം ലജ്ജിക്കണമെന്നും അദ്ദേഹം പത്രസമ്മേളനത്തിൽ പറഞ്ഞു.
സിവിലിയൻ സ്വത്തുക്കൾ, ആശുപത്രികൾ, സ്‌കൂളുകൾ, കുടിയൊഴിപ്പിക്കപ്പെട്ടവർ, വടക്കൻ ഗസയിലെ പട്ടിണി, ഉപരോധം എന്നിവയ്‌ക്കെതിരെ ഇസ്രായേൽ നടത്തുന്ന കുറ്റകൃത്യങ്ങളിൽ ഖത്തറിൻ്റെ വ്യക്തമായ നിലപാട് അദ്ദേഹം ആവർത്തിച്ചു. ഇതുവരെ 2,700-ലധികം ആളുകൾ രക്തസാക്ഷികളായ ലെബനനെ ലക്ഷ്യമിട്ടാണ് ഈ കുറ്റകൃത്യങ്ങൾ തുടരുന്നതെന്നും, കുറച്ച് ദിവസങ്ങൾക്ക് മുമ്പ് ഒരുപാട് പേരുണ്ടായിരുന്ന ഗ്രാമങ്ങളും പട്ടണങ്ങളും വ്യവസ്ഥാപിതമായി നശിപ്പിക്കപ്പെട്ടുവെന്നും അദ്ദേഹം കൂട്ടിച്ചേർത്തു. അന്താരാഷ്ട്ര മനുഷ്യാവകാശ നിയമങ്ങളോടുള്ള അനാദരവാണ് ഈ കുറ്റകൃത്യങ്ങൾ വ്യക്തമാക്കുന്നതെന്നും ഡോ. അൽ അൻസാരി കൂട്ടിച്ചേർത്തു.
ചർച്ചാ ശ്രമങ്ങളിൽ ഇസ്രായേൽ നടത്തുന്ന കൊലപാതകങ്ങളും യുഎൻ ഓഫീസുകളെ ലക്ഷ്യം വച്ചുള്ള ആക്രമണവും ചെലുത്തിയ സ്വാധീനത്തിൻ്റെ വ്യാപ്തിയെക്കുറിച്ചും ഡോ. അൽ അൻസാരി സംസാരിച്ചു. ഇത് മധ്യസ്ഥ രാജ്യങ്ങളുമായി വിജയകരമായി ചർച്ച നടത്തുന്നതിനെ തടസ്സപ്പെടുത്തുന്നു.. ഗസ, വെസ്റ്റ് ബാങ്ക്, ജോർദാൻ, സിറിയ, ലെബനൻ എന്നിവിടങ്ങളിലെ ദശലക്ഷക്കണക്കിന് ആളുകളെ സഹായിക്കുന്നതിൽ ഫലസ്തീൻ അഭയാർത്ഥികൾക്കായുള്ള ഐക്യരാഷ്ട്ര സംഘടന (UNRWA) വഹിക്കുന്ന പങ്കിനെ അദ്ദേഹം പ്രശംസിച്ചു.
യുഎൻആർഡബ്ല്യുഎയ്‌ക്കുള്ള പിന്തുണ നിർത്തുന്നത് വിനാശകരമായ പ്രത്യാഘാതങ്ങൾക്ക് ഇടയാക്കുമെന്ന് ഡോ. അൽ അൻസാരി മുന്നറിയിപ്പ് നൽകി. ഗസ്സയിൽ മാനുഷിക സഹായം നൽകുന്നതിന് UNRWA യ്ക്ക് ഖത്തറിൻ്റെ 100 മില്യൺ ഡോളർ സഹായമെത്തിക്കാനുള്ള സന്നദ്ധതയും അദ്ദേഹം എടുത്തുപറഞ്ഞു.
അതേസമയം, ഖത്തറിൻ്റെ മധ്യസ്ഥതയുമായി ബന്ധപ്പെട്ട ആരോപണങ്ങളും ഡോ. അൽ അൻസാരി നിഷേധിച്ചു. ഇത്തരം അടിസ്ഥാനരഹിതമായ ആരോപണങ്ങളും നിഷേധാത്മകമായ പെരുമാറ്റവും ഖത്തർ ശ്രദ്ധിക്കുന്നില്ല. ഇത്തരം റിപ്പോർട്ടുകളിൽ ഖത്തറിന് ആശങ്കയില്ലെന്നും അദ്ദേഹം വ്യക്തമാക്കി.
