June 05, 2024
June 05, 2024
2024ലെ ലോക്‌സഭാ തിരഞ്ഞെടുപ്പിൽ മുൻ ഇന്ത്യൻ ക്രിക്കറ്റ് താരം യൂസുഫ് പത്താന് വിജയം. തൃണമൂൽ കോൺഗ്രസിനായി മത്സരിച്ച യൂസുഫ് പത്താൻ പാർലമെന്റിൽ ഉണ്ടാകും എന്ന് ഉറപ്പായിരിക്കുകയാണ്. വെസ്റ്റ് ബംഗാളിലെ ബഹരംപൂർ മണ്ഡലത്തിൽ ആണ് അദ്ദേഹം മത്സരിച്ചത്. 62778 വോട്ടിന്റെ ഭൂരിപക്ഷത്തോടെയാണ് വിജയിച്ചത്. 419425 വോട്ടുകളാണ് നേടിയത്.
ഇന്ത്യൻ നാഷണൽ കോൺഗ്രസിന്റെ അധീർ രഞ്ജൻ ചൗധരി രണ്ടാം സ്ഥാനത്തും, ബി ജെ പി മൂന്നാമതുമാണ്.
2007 മുതൽ 2012 വരെ അദ്ദേഹം ഇന്ത്യയെ പ്രതിനിധീകരിച്ചിരുന്നു. 2021ൽ ക്രിക്കറ്റിൽ നിന്ന് വിരമിക്കൽ പ്രഖ്യാപിച്ച്ചു. ടി20, ഏകദിന ഫോർമാറ്റുകളിലായി 79 മത്സരങ്ങളിൽ ഇന്ത്യക്ക് ആയി കളിച്ചു. ഇക്കാലയളവിൽ 1046 റൺസും 46 വിക്കറ്റും അദ്ദേഹം നേടിയിരുന്നു.
2007-ൽ ഇന്ത്യക്ക് ഒപ്പം ടി20 ലോകകപ്പ് കിരീടവും, 2011ൽ ഏകദിന ലോകകപ്പും യൂസുഫ് നേടിയിട്ടുണ്ട്.
