June 23, 2024
June 23, 2024
റിയാദ്: റിയാദിൽ ഇലക്ട്രോണിക് സ്പോർട്സ് (ഇ-സ്പോർട്സ്) ലോകകപ്പ് ജൂലൈ 3ന് ആരംഭിക്കും. ആഗസ്റ്റ് 25 വരെ നീളുന്ന ഇ-സ്പോർട്സ് ലോകകപ്പിൽ 30 അന്താരാഷ്ട്ര ടീമുകളും 1500-ലധികം പ്രഫഷനലുകളും പങ്കെടുക്കുമെന്ന് പൊതുവിനോദ അതോറിറ്റി മേധാവി തുർക്കി ആലു ശൈഖ് വ്യക്തമാക്കി. റിയാദിലെ ബൊളിവാർഡ് സിറ്റിയിലെ അരീന സ്റ്റേഡിയത്തിലാണ് മത്സരം.
സ്റ്റേഡിയത്തിൽ ഇലക്ട്രോണിക് ഗെയിമിങ്, ബ്രാൻഡിങ്, കച്ചേരികൾ, നാടകങ്ങൾ തുടങ്ങിയവയും സംഘടിപ്പിക്കുമെന്നും ആലു ശൈഖ് അറിയിച്ചു. ടൂർണമെന്റ് തത്സമയം ബൊളിവാർഡിൽ സംപ്രേക്ഷണം ചെയ്യും.
ഇ-സ്പോർട്സ് വേൾഡ് കപ്പ് ഫൗണ്ടേഷൻ അടുത്തിടെയാണ് ടൂർണമെന്റിന്റെ ഔദ്യോഗിക ഷെഡ്യൂൾ പ്രഖ്യാപിച്ചത്. 20 മത്സരങ്ങളാണ് ഇതിൽ ഉൾപ്പെടുന്നത്. ഏകദേശം 60 ദശലക്ഷം ഡോളർ വിലമതിക്കുന്നതാണ് വിജയികൾക്കുള്ള സമ്മാനങ്ങൾ. ഇത് ഇ-സ്പോർട്സ് മേഖലയുടെ ചരിത്രത്തിലെ ഏറ്റവും വലിയ സമ്മാനമായാണ് കണക്കാക്കുന്നത്.
