September 02, 2024
September 02, 2024
ദുബായ്: ദുബായ് ഗ്ലോബൽ വില്ലേജ് 29-ാം സീസണിന്റെ തിയ്യതി പ്രഖ്യാപിച്ചു. 2024 ഒക്ടോബർ 16 മുതൽ 2025 മെയ് 11 വരെയാണ് പരിപാടി. ഔട്ട്ഡോർ ഡെസ്റ്റിനേഷനാണ് ഇക്കാര്യം അറിയിച്ചത്.
28-ാം സീസണിൽ 10 ലക്ഷം സന്ദർശകരാണ് ഗ്ലോബൽ വില്ലജ് സന്ദർശിച്ചത്. അതിനേക്കാൾ കൂടുതൽ സന്ദർശകർ ഇത്തവണ എത്തുമെന്നാണ് പ്രതീക്ഷ. ഈ വർഷം കൂടുതൽ വിപുലമായ ഓഫറുകളും കൊണ്ടുവരും. കൂടാതെ, കൂടുതൽ സാംസ്കാരിക പ്രതിനിധാനങ്ങൾ, ഇതുവരെ കണ്ടിട്ടില്ലാത്ത വിനോദം, ആവേശകരമായ ഇൻഫ്രാസ്ട്രക്ചർ നവീകരണങ്ങൾ എന്നിവയും ഉണ്ടാകും. 27 പവലിയനുകളിലായി 90 സംസ്കാരങ്ങളാണ് വില്ലേജിൽ പ്രദർശിപ്പിച്ചത്. കഴിഞ്ഞ സീസണിൽ 400-ലധികം കലാകാരന്മാർ പങ്കെടുത്തു. 40,000-ത്തിലധികം വിവിധ തരം പ്രകടനങ്ങൾക്കാണ് ദുബായ് സാക്ഷ്യം വഹിച്ചത്. കഴിഞ്ഞ സീസണിൽ 200-ലധികം റൈഡുകളും വിനോദ ആകർഷണങ്ങളും 3,500 ഷോപ്പിംഗ് ഔട്ട്ലെറ്റുകളും 250 ഡൈനിംഗ് ഓപ്ഷനുകളും ഉണ്ടായിരുന്നു.
ഗ്ലോബൽ വില്ലേജ് ടിക്കറ്റുകൾ സാധാരണയായി മൂന്ന് വയസ്സിന് താഴെയുള്ള കുട്ടികൾക്കും 65 വയസും അതിൽ കൂടുതലുമുള്ള മുതിർന്ന പൗരന്മാർക്കും നിശ്ചയദാർഢ്യമുള്ളവർക്കും സൗജന്യമായിരിക്കും.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/FxcpaKzzbtR4LadT0rnH7K
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
