October 30, 2023
October 30, 2023
ഡല്ഹി: ഖത്തറില് വധശിക്ഷ വിധിക്കപ്പെട്ട് ഒരു വര്ഷമായി ഏകാന്ത തടവില് കഴിയുന്ന മുന് ഇന്ത്യന് നാവിക ഉദ്യോഗസ്ഥരുടെ മോചനത്തിനായി കേന്ദ്രം ഇടപെടല് നടത്തുമെന്ന് കേന്ദ്ര വിദേശകാര്യമന്ത്രി എസ് ജയ്ശങ്കര് വ്യക്തമാക്കി. നാവിക ഉദ്യോഗസ്ഥരുടെ ബന്ധുക്കളുമായി കൂടിക്കാഴ്ച നടത്തിയ ശേഷമാണ് മന്ത്രി ഇക്കാര്യം വ്യക്തമാക്കിയത്. മോചനത്തിനായി എല്ലാ ഇടപെടലുകളും കേന്ദ്രം നടത്തുമെന്ന് ബന്ധുക്കള്ക്ക് മന്ത്രി ഉറപ്പ് നല്കി. നാവിക ഉദ്യോഗസ്ഥരുടെ മോചനത്തിനായി വലിയ പരിഗണനയാണ് കേന്ദ്രം നല്കുന്നതെന്നും മോചനത്തിനായി എല്ലാ ശ്രമങ്ങളും നടത്തുമെന്ന് ബന്ധുക്കള്ക്ക് ഉറപ്പ് നല്കിയതായും കൂടിക്കാഴ്ചയ്ക്ക് ശേഷം മന്ത്രി എക്സില് (ട്വിറ്റര്) കുറിച്ചു.
Met this morning with the families of the 8 Indians detained in Qatar.
— Dr. S. Jaishankar (@DrSJaishankar) October 30, 2023
Stressed that Government attaches the highest importance to the case. Fully share the concerns and pain of the families.
Underlined that Government will continue to make all efforts to secure their release.…
കഴിഞ്ഞ വര്ഷം ഓഗസ്റ്റിലാണ് ഖത്തര് പ്രതിരോധ സേനയുമായി ചേര്ന്ന് പ്രവര്ത്തിക്കുന്ന സ്വകാര്യ സ്ഥാപനത്തില് ജോലി ചെയ്തിരുന്ന എട്ട് മുന് ഇന്ത്യന് നാവികര് ഖത്തറില് അറസ്റ്റിലായത്. അതേസമയം ഉദ്യോഗസ്ഥര്ക്കെതിരെ ചുമത്തിയിട്ടുള്ള കുറ്റം സംബന്ധിച്ച് ഇതുവരെയും ഖത്തര് ഔദ്യോഗിക പ്രതികരണം നടത്തിയിട്ടില്ല. എന്നാല് ഖത്തറിനെതിരെ ചാര പ്രവര്ത്തി നടത്തിയതാണ് ചുമത്തിയിട്ടുള്ള കുറ്റമെന്നാണ് വിവരം.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/DwYqZdMYXUCGOpYy8tmMSU
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
