November 05, 2023
November 05, 2023
കുവൈത്ത് സിറ്റി: കുവൈത്തില്‍ മാന്‍ഹോളില്‍ നവജാത ശിശുവിന്റെ മൃതദേഹം കണ്ടെത്തി. മുഷ്രിഫ് ഏരിയയിലെ മലിനജല ഡ്രെയിനേജ് മാന്‍ഹോളിലാണ് കുഞ്ഞിന്റെ മൃതദേഹം കണ്ടെത്തിയത്. നവജാത ശിശുവിന്റെ മൃതദേഹം കണ്ടതായി ഒരു പൗരന്‍ ആഭ്യന്തര മന്ത്രാലയത്തിന്റെ ഓപ്പറേഷന്‍ റൂമില്‍ അറിയിക്കുകയായിരുന്നു.
ഉടന്‍ തന്നെ ഹവല്ലി ഗവര്‍ണറേറ്റ് ഡയറക്ടറേറ്റിലെ സുരക്ഷാ ഉദ്യോഗസ്ഥരും ഡിറ്റക്ടീവുകളും ഫോറന്‍സിക് വിഭാഗവും സ്ഥലത്ത് എത്തി പരിശോധന നടത്തി. മൃതദേഹം പുറത്തെടുക്കാന്‍ ഡെപ്യൂട്ടി പബ്ലിക് പ്രോസിക്യൂട്ടര്‍ ഉത്തരവിട്ടതായും ഫോറന്‍സിക് മെഡിസിന്‍ വകുപ്പിന് കൈമാറിയതായും അധികൃതര്‍ പറഞ്ഞു. സംഭവത്തില്‍ ആസൂത്രിത കൊലപാതകത്തിന് കേസ് രജിസ്റ്റര്‍ ചെയ്ത് ബയാന്‍ പൊലീസ് അന്വേഷണം ആരംഭിച്ചു.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/CqJci12yE9VL8MZgKZYvGm
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
