February 06, 2023
February 06, 2023
ന്യൂസ്റൂം ബ്യുറോ
മസ്കത്ത് :ഒമാനിൽ നടന്ന ലോകത്തിലെ തന്നെ അതി കഠിനമായ കായിക മൽസരങ്ങളിലൊന്നായ " അയൺമാൻ ട്രയാത്തലോൺ "മത്സരത്തിൽ മലയാളിക്ക് വിജയം.ലോകത്തിന്റെ വിവിധ ഭാഗങ്ങളിൽ നിന്നായി 500 ഓളം കായിക താരങ്ങൾ മത്സരത്തിൽ പങ്കെടുത്ത മത്സരത്തിൽ ഒമാനിൽ ജോലി ചെയ്യുന്ന ആലുവ സ്വദേശിയായ രൂപ്സൺ ആണ് കിരീടം ചൂടിയത്.
ഇടവേളകളില്ലാതെ സ്വിമ്മിങ് സൈക്ലിംഗ് റണ്ണിങ് എന്നിവ നിശ്ചിത സമയത്തിൽ ചെയ്തു തീർക്കുന്നവരാണ് മത്സരത്തിൽ വിജയിക്കുക. വേൾഡ് ട്രിയത്താലോൺ കോർപറേഷൻ ആണ് ഒമാനിൽ മത്സരം സംഘടിപ്പിച്ചത്. 1.9km നീന്തൽ, 90 km സൈക്കിൾ ഓട്ടം, 21.1km ഓട്ടം എന്നിവ 8 മണിക്കൂർ 15 മിനിറ്റുകൾ കൊണ്ട് പൂർത്തിയാക്കുന്നവരാണ് ഇതിൽ വിജയിക്കുന്നത്. എന്നാൽ മത്സരത്തിൽ പങ്കെടുത്ത രൂപ്സൺ 6 മണിക്കൂർ 42 മിനിട്ടു 29 സെക്കന്റ് കൊണ്ട് പൂർത്തിയാക്കുകയായിരുന്നു.
കഴിഞ്ഞ 17 വർഷമായി ഒമാനിൽ ജോലിചെയ്യുന്ന രൂപ്സൺ ടോട്ടൽ എംപവർ എന്ന കമ്പനിയിലെ നെറ്റ്വർക്ക് ടെക്നിക്കൽ കൺസൽട്ടൻറ് ആണ്. ആലുവ നസ്റത്ത് റോഡിൽ ആസാദ് ലൈനിൽ താമസിക്കുന്ന എൻ ടി സേവിയാറിന്റെയും ലിസി സേവ്യറിന്റെയും മകനാണ്.
ന്യൂസ്റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/CZ8evyItpDFGmuyTIzjnaL എന്ന ലിങ്കിൽ ജോയിൻ ചെയ്യുക
