NewsRoomme, Latest Malayalam Qatar News Online From Newsroomme.com. Get Latest Malayalam Audio News on your mobile

Breaking News

കുവൈത്തിലെ ഷോപ്പിംഗ് മാളിൽ വാതകച്ചോർച്ചയെ തുടർന്ന് സ്ഫോടനം,മലയാളി ഉൾപെടെ 10 പേർക്ക് പരിക്കേറ്റു | ഖത്തർ കെ.എം.സി.സി 'നവോത്സവ്',സമാപന പരിപാടികൾ ഇന്നും നാളെയും ഓൾഡ് ഐഡിയൽ ഇന്ത്യൻ സ്‌കൂളിൽ | ദോഹ ഹമദ് രാജ്യാന്തര വിമാനത്താവളത്തിൽ വൻ മയക്കുമരുന്ന് വേട്ട,ഏഴ് കിലോയിലധികം ഹെറോയിനും ഹഷീഷും പിടികൂടി | ഇൻകാസ് ഖത്തർ രാജീവ് ഗാന്ധിയെ അനുസ്മരിച്ചു | ഷാർജയിലെ വെയർഹൗസിൽ വൻ തീപിടുത്തം,ആളപായമില്ല | ഓപറേഷൻ സിന്ദൂർ,ഖത്തറിലേക്കുള്ള പ്രതിനിധി സംഘത്തെ സുപ്രിയ സുലേ നയിക്കും,വി.മുരളീധരനും സംഘത്തിൽ | ഖത്തറിന്റെ ചലച്ചിത്രോത്സവം ഇനി വേറെ ലെവൽ,അന്താരാഷ്ട്ര ചലച്ചിത്ര മേളയ്ക്ക് നവംബറിൽ തിരി തെളിയും | നിയമലംഘനം, സ്വകാര്യ ഡെന്റൽ യൂണിറ്റ് അടച്ചുപൂട്ടി ഖത്തർ പൊതുജനാരോഗ്യ മന്ത്രാലയം | ഖത്തർ ആരോഗ്യമന്ത്രാലയത്തെ അഭിനന്ദിച്ച് യു.എ.ഇ, ആരോഗ്യഅടിയന്തരാവസ്ഥ നേരിട്ട എട്ട് വയസുകാരനെ എയർ ലിഫ്റ്റ് ചെയ്തു | ഖത്തറിലെ കണ്ടൽകാടുകൾക്ക് കൈത്താങ്ങായി 'മാദ്രെ',400 കണ്ടൽചെടികൾ നട്ടു പിടിപ്പിച്ചു |

ദുബായിൽ ജീവിത ചിലവ് കൂടുന്നു,സ്വകാര്യ സ്‌കൂളുകളിൽ ഫീസ് വർധിപ്പിക്കാൻ അനുമതി

May 03, 2025

May 03, 2025

ന്യൂസ്‌റൂം ബ്യുറോ

ദുബായ്: ദുബായിലെ സ്വകാര്യ സ്‌കൂളുകൾ അടുത്ത അധ്യയന വർഷം ഫീസ് വർദ്ധിപ്പിക്കും. 2025–26 അധ്യയന വർഷത്തേക്ക് 2.35% വിദ്യാഭ്യാസ ചെലവ് സൂചിക (ഇസിഐ) നോളജ് ആൻഡ് ഹ്യൂമൻ ഡെവലപ്‌മെന്റ് അതോറിറ്റി (കെഎച്ച്ഡിഎ) അംഗീകരിച്ചതോടെയാണിത്. ഡിജിറ്റൽ ദുബായ് അതോറിറ്റിയുമായി സഹകരിച്ച് സ്വകാര്യ സ്‌കൂളുകൾ സമർപ്പിച്ച സാമ്പത്തിക റിപ്പോർട്ട് അടിസ്ഥാനമാക്കിയാണ് ഇസിഐ നിർണ്ണയിച്ചത്. ഉയർന്ന നിലവാരമുള്ള വിദ്യാഭ്യാസം ഉറപ്പാക്കുന്നതിനൊപ്പം, ജീവനക്കാരുടെ ശമ്പളം, മറ്റ് സേവനങ്ങൾ, വാടക ചെലവുകൾ എന്നിവ പോലുള്ള പ്രവർത്തന ചെലവുകൾ ആണ് ESI ക്ക് പരിഗണിക്കുന്നത്. വരാനിരിക്കുന്ന അധ്യയന വർഷത്തേക്കുള്ള നിർദിഷ്ട ഫീസ് ഘടനയുടെ കരട് സമർപ്പിക്കുന്നതിനുള്ള നിർദേശം യുഎഇയിലെ എല്ലാ സ്വകാര്യ സ്‌കൂളുകളെയും കെഎച്ച്ഡിഎ അറിയിച്ചിട്ടുണ്ട്.

യോഗ്യതയുള്ള സ്‌കൂളുകൾക്ക് അംഗീകൃത ഇസിഐ വരെ ഫീസ് വർദ്ധനവിന് അപേക്ഷിക്കാം, എന്നാൽ അതിൽ കൂടുതലാകരുത്. മൂന്ന് വർഷത്തിൽ താഴെ ദുബായിൽ പ്രവർത്തിക്കുന്ന സ്വകാര്യ സ്‌കൂളുകൾക്ക് ഫീസ് വർധനവിന് അർഹതയില്ല. ഓരോ അപേക്ഷയും സ്ഥാപിത മാനദണ്ഡങ്ങളുമായി പൊരുത്തപ്പെടുന്നുണ്ടെന്ന് ഉറപ്പാക്കാൻ കെഎച്ച്ഡിഎ അവലോകനം ചെയ്യും.

ഫീസ് ക്രമീകരണത്തിനായുള്ള വിദ്യാഭ്യാസ ചെലവ് സൂചിക ശക്തവും സുതാര്യവുമായ ഒരു രീതിശാസ്ത്രത്തെ അടിസ്ഥാനമാക്കിയുള്ളതാണെന്നു കെഎച്ച്ഡിഎയിലെ ലൈസൻസിംഗ് ആൻഡ് എഡ്യൂക്കേഷൻ സർവീസസ് ഡയറക്ടർ ഷമ്മ അൽ മൻസൂരി പറഞ്ഞു.

കഴിഞ്ഞ രണ്ട് അക്കാദമിക് വർഷങ്ങളിലായി ദുബായിൽ 15 പുതിയ സ്വകാര്യ സ്കൂളുകൾ തുറന്നിട്ടുണ്ട്. അടുത്ത രണ്ട് വർഷത്തിനുള്ളിൽ തുറക്കാൻ ഉദ്ദേശിക്കുന്ന പുതിയ സ്കൂളുകൾക്കായുള്ള 20-ലധികം അപേക്ഷകൾ കെഎച്ച്ഡിഎ നിലവിൽ അവലോകനം ചെയ്തുവരികയാണ്. ദുബായിൽ ഇപ്പോൾ 227 സ്വകാര്യ സ്കൂളുകളുണ്ട്. 185 രാജ്യങ്ങളിൽ നിന്നുള്ള 387,441 വിദ്യാർത്ഥികൾ ഇവിടെ പഠിക്കുന്നു. 2023–24 ൽ ഈ മേഖലയിൽ എൻറോൾമെന്റിൽ 12% റെക്കോർഡ് വർദ്ധനവ് ഉണ്ടായി. 2024–25 ൽ 6% വളർച്ചയുണ്ടായി.
ന്യൂസ്‌റൂം വാര്‍ത്തകളും തൊഴില്‍ സബന്ധമായ അറിയിപ്പുകളും മു ടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക
https://chat.whatsapp.com/JSu55PzLuSjIOAiVOpZz2i
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക https://whatsapp.com/channel/0029Va9k1sH3rZZiZHLfLm0F