കുവൈത്ത് സിറ്റി: പ്രവാസികൾക്ക് ബയോമെട്രിക് നടപടികൾ പൂർത്തിയാക്കാനുള്ള സമയപരിധി ചൊവ്വാഴ്ച അവസാനിക്കും. ബുധനാഴ്ച മുതൽ നടപടികൾ പൂർത്തിയാക്കാത്തവരുടെ സർക്കാർ, ബാങ്കിങ് ഇടപാടുകൾ തടയും. ഞായറാഴ്ച വരെ ഏകദേശം 2,50,000 പ്രവാസികളും 90,000 അനധികൃത താമസക്കാരും (ബിദൂനികൾ) 16,000 പൗരന്മാരും നടപടിക്രമങ്ങൾ പൂർത്തിയാക്കിയിട്ടില്ലെന്ന് ജനറൽ ഡിപ്പാർട്ട്മെന്‍റ് ഓഫ് ക്രിമിനൽ എവിഡൻസിനെ ഉദ്ധരിച്ച് പ്രാദേശിക മാധ്യമങ്ങൾ റിപ്പോർട്ടു ചെയ്തു.
ഞായറാഴ്ച വരെ ഡിപ്പാർട്ട്മെന്‍റ് 9,60,000 പൗരന്മാരുടെ വിരലടയാളം പ്രോസസ് ചെയ്തിട്ടുണ്ടെന്നും 16,000 എണ്ണം ശേഷിക്കുന്നുണ്ടെന്നും ജനറൽ ഡിപ്പാർട്ട്മെന്‍റ് ഓഫ് ക്രിമിനൽ എവിഡൻസ് ഡയറക്ടർ മേജർ ജനറൽ ഈദ് അൽ ഒവൈഹാൻ പറഞ്ഞു. 2.74 ദശലക്ഷം താമസക്കാർ വിരലടയാളം പൂർത്തിയാക്കി. 2,44,000 ഇപ്പോഴും ബാക്കിയുണ്ട്.
അനധികൃത താമസക്കാരിൽ 58,000 പേർ ബയോമെട്രിക് നടപടികൾ പൂർത്തിയാക്കി. 89,817 പേർ ബാക്കിയാണ്. കിടപ്പിലായ 12,000 രോഗികളുടേയും പ്രത്യേക ആവശ്യങ്ങളുള്ള വ്യക്തികളുടെയും വിരലടയാളം വിജയകരമായി പൂർത്തിയാക്കിയതായും അൽ ഒവൈഹാൻ പറഞ്ഞു.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/EgJcEGy2iTM48Z38oVu56Z ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F 
