NewsRoomme, Latest Malayalam Qatar News Online From Newsroomme.com. Get Latest Malayalam Audio News on your mobile

Breaking News

ഖത്തറിന് നന്ദി,വേർപിരിഞ്ഞ കുടുംബങ്ങളെ ഒരുമിപ്പിക്കാൻ ഖത്തർ നടത്തുന്ന മധ്യസ്ഥ ശ്രമങ്ങൾക്ക് സെലൻസ്കിയുടെ അഭിനന്ദനം | ഖത്തറിലെ പ്രമുഖ സ്ഥാപനത്തിലേക്ക് വനിതാ മാർക്കറ്റിങ് എക്സിക്യൂട്ടീവിനെ ആവശ്യമുണ്ട് | പാരാമൗണ്ട് ഫുഡ് സർവീസ് എക്വിപ്മെന്റ് സൊല്യൂഷൻസ് ഖത്തറിലെ ബിർകത്ത് അൽ അവാമീറിൽ വിപുലീകരിച്ച ഷോറൂം തുറക്കുന്നു,ഉൽഘാടനം നാളെ | സൗദിയിൽ പ്രഭാതസവാരിക്കിടെ ആലുവ സ്വദേശി കുഴഞ്ഞുവീണ് മരിച്ചു | സൗദിയിൽ ലഹരിക്കൊല,ഇന്ത്യക്കാരനായ പിതാവിനെ മകൻ കണ്ണുകൾ ചൂഴ്ന്നെടുത്ത് കൊലപ്പെടുത്തി | ഖത്തറിൽ താഴെ പറയുന്ന തസ്തികകളിൽ ജോലി ഒഴിവുകൾ,വിശദമായി അറിയാം | അൽഫുർഖാൻ വിജ്ഞാന പരീക്ഷ,ഫൈനൽ ജനുവരി 24-ന് | ബുർജ് ഖലീഫ ചെറുതാവും,ലോകത്തെ ഏറ്റവും ഉയരം കൂടിയ ടവർ സൗദിയിൽ ഒരുങ്ങുന്നു | ഖത്തറിലെ പ്രമുഖ MEP കോൺട്രാക്റ്റിങ് കമ്പനിയിലേക്ക് അക്കൗണ്ടന്റിനെ ആവശ്യമുണ്ട് | ഖത്തർ മതകാര്യ മന്ത്രാലയം ഇസ്‌ലാമിക പ്രഭാഷണം,ടി.ആരിഫ് അലി സംസാരിക്കും |

ഷാർജയിൽ കെട്ടിടത്തിൽ നിന്ന് വീണ് പരിക്കേറ്റ ആലപ്പുഴ സ്വദേശി മരിച്ചു

December 14, 2024

December 14, 2024

ന്യൂസ്‌റൂം ബ്യുറോ

ഷാർജ: ഷാർജയിൽ കെട്ടിടത്തിൽ നിന്ന് വീണ് പരിക്കേറ്റ മലയാളി മരിച്ചു.ആലപ്പുഴ ഗുരു മന്ദിരം വാര്‍ഡിലെ കടപ്പുറത്ത് തയ്യില്‍ വീട്ടില്‍ കെ ജെ ജോസ്(40) ആണ് മരിച്ചത്. അഞ്ചു മാസം മുന്‍പാണ് സന്ദര്‍ശന വിസയില്‍ ഷാര്‍ജയില്‍ എത്തിയത്.ഗ്രാഫിക് ഡിസൈനറായി ജോലി ചെയ്തുവരികയായിരുന്നു.

ഡിസംബർ 8 ന് പുലർച്ചെ 4 മണിക്ക് ഇൻഡസ്ട്രിയൽ ഏരിയയിലെ കെട്ടിടത്തിൻ്റെ മൂന്നാം നിലയിൽ നിന്ന് വീണാണ് ജോസിന് പരിക്കേറ്റത്.അതേസമയം,അബദ്ധത്തിൽതാഴെ വീണതാണോ അതോ ആത്മഹത്യയാണോ എന്ന് പോലിസ് വ്യക്തമാക്കിയിട്ടില്ല. ഇയാൾ ഏറെ നേരം സ്വബോധമില്ലാതെ പെരുമാറിയുന്നതായി കൂടെ താമസിക്കുന്നവർ പോലീസിൽ മൊഴി നൽകിയിട്ടുണ്ട്. അപകടത്തിൽ അന്വേഷണം പ്രഖ്യാപിച്ചതായി ഷാർജ പോലിസ് അറിയിച്ചു. മൃതദേഹം പരിശോധനകൾക്കായി ആശുപത്തിരിയിലേക്ക് മാറ്റിയിട്ടുണ്ട്. നടപടി ക്രമങ്ങൾ പൂർത്തിയായാൽ ഉടൻ നാട്ടിലെത്തിക്കുമെന്ന് സാമൂഹിക പ്രവർത്തകർ അറിയിച്ചു.

ഭാര്യ: അഞ്ജലി ജോസ്. മക്കള്‍: ലീസ് മരിയ, ലിയോണ്‍. മൃതദേഹം നാട്ടിലേക്ക് എത്തിക്കാന്‍ സര്‍ക്കാര്‍ നടപടി സ്വീകരിക്കണമെന്ന് ജോസിന്റെ ബന്ധുക്കള്‍ ആവശ്യപ്പെട്ടു. മരണ വിവരം ഷാര്‍ജയില്‍നിന്നും ബന്ധുക്കളെ അറിയിക്കുകയായിരുന്നു. അഞ്ചു മാസം മുന്‍പായിരുന്നു ജോലി തേടി ജോസ് യുഎഇയില്‍ എത്തിയത്.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/EgJcEGy2iTM48Z38oVu56Z
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F