Breaking News
ദുബായില്‍ ഒറ്റത്തവണ ഉപയോഗിക്കാവുന്ന ഉല്‍പ്പന്നങ്ങള്‍ പൂര്‍ണമായും നിരോധിക്കുന്നു | ദോഹ എക്സ്പോ 2023 ന് ഇന്ന് തിരശ്ശീല വീഴും  | അബ്ദുൾനാസർ മഅ്ദനിയുടെ ആരോഗ്യനില ഗുരുതരമെന്ന് റിപ്പോർട്ട്, വെന്റിലേറ്ററിലേക്ക് മാറ്റി | റമദാനിലെ അവസാന 10 ദിവസങ്ങളിൽ തന്നെ ഫിത്വർ സകാത്ത് നൽകിത്തുടങ്ങാമെന്ന് ഖത്തർ മതകാര്യ മന്ത്രാലയം | 'ഐ ലവ് സൗദി അറേബ്യ,' വിരമിക്കുന്നതിനെ കുറിച്ച് ഇപ്പോൾ ചിന്തിക്കുന്നില്ലെന്ന് ലയണൽ മെസ്സി | ഖത്തറിൽ പ്രമുഖ മെഡിക്കൽ സർവീസ് കമ്പനിയിലേക്ക് ഡ്രൈവറെ ആവശ്യമുണ്ട്; ഇപ്പോൾ അപേക്ഷിക്കാം | ഖത്തറിൽ എലൈറ്റ് എക്സിബിഷൻ ആരംഭിച്ചു  | കുവൈത്തിൽ തെരഞ്ഞെടുപ്പ് പരസ്യ ചട്ടങ്ങൾ ലംഘിച്ചാൽ വൻ തുക പിഴ | ഈദുൽ ഫിത്വർ: ഖത്തറിൽ ജനന-മരണ സർട്ടിഫിക്കറ്റ് നൽകുന്നതിനുള്ള സമയം പ്രഖ്യാപിച്ചു | മിഡിൽ ഈസ്റ്റ് മേഖലയിൽ എൽഎൻജി ദ്രവീകരണ ശേഷിയുടെ 75 ശതമാനവും ഖത്തറിന്  |
ഖത്തറിൽ ഇനി 200 റിയാലും,പുതിയ കറൻസികൾ പുറത്തിറക്കി

December 13, 2020

December 13, 2020

ദോഹ: ഖത്തർ സെൻട്രൽ ബാങ്ക് പുതിയ കറൻസി നോട്ടുകൾ പുറത്തിറക്കി. ഖത്തറിൽ ആദ്യമായി 200 റിയാൽ പുറത്തിറക്കിയതായും സെൻട്രൽ ബാങ്ക് അധികൃതർ പത്രസമ്മേളനത്തിൽ അറിയിച്ചു.ഖത്തർ ദേശീയ ദിനാഘോഷത്തോടനുബന്ധിച്ചാണ് പുതിയ നോട്ടുകൾ പുറത്തിറക്കുന്നത്. എല്ലാ കറൻസി നോട്ടുകളുടെയും പുതിയ പതിപ്പുകളും പുറത്തിറക്കി. ഇത് അഞ്ചാം പതിപ്പാണ്.

1973 മെയ് 19നാണ് ഖത്തർ ആദ്യമായി റിയാൽ അച്ചടിച്ചു തുടങ്ങിയത്. 1,5,10,100, 500 റിയാൽ നോട്ടുകളാണ് ആദ്യമായി അച്ചടിച്ചത്. 1976ൽ 50 റിയാലിൻറെ നോട്ടും അച്ചടിച്ചു തുടങ്ങി.

നാലാമത്തെ പതിപ്പിൻറെ ഭാഗമായി പുറത്തിറങ്ങിയ ബാങ്ക് നോട്ടുകളിൽ ചില പുതിയ രൂപമാറ്റങ്ങൾ ഉൾപ്പെടുത്തിയിരുന്നു. ഖത്തറിൻറെ ദേശീയ മുദ്ര കാണാനാവുന്ന വിധത്തിൽ സുതാര്യമായൊരു പാളി കൂടി ഉൾപ്പെടുത്തിയ നോട്ടുകളാണ് നാലാം പതിപ്പിൽ ഇറക്കിയത്.



നാലാമത്തെ പരമ്പരയുടെ ഭാഗമായി പുറത്തിറക്കിയ 500 റിയാൽ നോട്ടുകൾ നീലയും ചാരയും ഇടകലർന്ന നിറത്തിലുള്ളതാണ്. കൂടാതെ ഒരു പരുന്തിൻറെ തലയും ഖത്തർ രാജകൊട്ടാരത്തിൻറെ ചിത്രവും ഈ പുതിയ നോട്ടിൽ അച്ചടിച്ചിരുന്നു.

2022ലെ ഖത്തർ ലോക കപ്പിനായി രാജ്യം ഒരുക്കങ്ങൾ നടത്തുന്നതിനിടെയാണ് പുതിയ കറൻസി അഥവാ അഞ്ചാം പതിപ്പ് ജനങ്ങളുടെ കൈകളിലേക്കെത്തുന്നത്.

പുതിയ സീരീസ് നോട്ടുകള്‍ അവതരിപ്പിച്ചെങ്കിലും പഴയ നോട്ടുകള്‍ ഉപയോഗിക്കുന്നത് തുടരാമെന്ന് ക്യു.സി.ബി അറിയിച്ചു. മൂന്ന് മാസം വരെ പ്രാദേശിക ബാങ്കുകളിലൂടെ പഴയ നോട്ടുകള്‍ മാറ്റിയെടുക്കാം. ഇതിന് ശേഷം ഖത്തര്‍ സെന്‍ട്രല്‍ ബാങ്കില്‍ നിന്ന് പഴയ നോട്ടുകള്‍ മാറ്റിയെടുക്കാം.

പുതിയ നോട്ടുകളുടെ ചില പ്രത്യേകതകള്‍

• കാഴ്ചശക്തിയില്ലാത്തവര്‍ക്ക് നോട്ടുകള്‍ തിരിച്ചറിയാനായി പ്രത്യേകം തിരശ്ചീന രേഖകള്‍ നോട്ടുകളില്‍ പ്രിന്റ് ചെയ്തിട്ടുണ്ട്. 

• നോട്ടുകളുടെ മുന്‍ഭാഗത്തും പിന്‍ഭാഗത്തും കാണുന്ന അപൂര്‍ണ്ണമായ രൂപങ്ങള്‍ നോട്ട് വെളിച്ചത്തിനെതിരെ പിടിക്കുമ്പോള്‍ നോട്ടിന്റെ മൂല്യമായി കാണാം. 

• നോട്ട് വെളിച്ചത്തിനെതിരെ പിടിച്ചാല്‍ വാട്ടര്‍മാര്‍ക്കായി ഖത്തര്‍ ദേശീയ ചിഹ്നവും സംഖ്യാരൂപത്തില്‍ നോട്ടിന്റെ മൂല്യവും കാണാന്‍ കഴിയും. 

• ഓരോ സെക്യൂരിറ്റി ത്രെഡുകളിലും നോട്ടിന്റെ മൂല്യം രേഖപ്പെടുത്തിയത് കാണാം. 

• നോട്ടുകള്‍ ചരിച്ച് പിടിച്ചാല്‍ ഹോളോഗ്രാമിന്റെയും സെക്യൂരിറ്റി ത്രെഡിന്റെയും രൂപത്തില്‍ മാറ്റങ്ങള്‍ കാണാം. കൂടാതെ ഗേറ്റിലെ ഡ്രീമ പുഷ്പം നിറം മാറുന്നതും പുഷ്പത്തിനുള്ളില്‍ ഒരു വൃത്തം ചലിക്കുന്നതും കാണാന്‍ കഴിയും.  

ന്യൂസ്‌റൂം വാർത്തകൾ വാട്ട്സ്ആപ്പിൽ മുടങ്ങാതെ ലഭിക്കാൻ +974 66200 167 എന്ന നമ്പറിൽ സന്ദേശം അയക്കുക: Click Here to Send Message
ന്യൂസ്‌റൂം വാർത്തകൾ ടെലിഗ്രാമിൽ ലഭിക്കാൻ ഇവിടെ ക്ലിക്ക് ചെയ്യുക.



Latest Related News