January 22, 2022
January 22, 2022
ദുബായ് : നഗരത്തിലൂടെ പൂർണ നഗ്നനായി നടക്കുകയും ഒരു ഡെലിവറി ഡ്രൈവറെയും സെക്യൂരിറ്റി ജീവനക്കാരനെയും ആക്രമിക്കുകയും ചെയ്ത യുവാവ് പിടിയിൽ. ജെ.ബി.ആർ ഏരിയയിലാണ് ഇയാൾ വിഹരിച്ചത്. അറസ്റ്റിലായത് അറബ് പൗരനാണെന്ന് ദുബായ് മീഡിയ ഓഫീസ് അറിയിച്ചു.
സമൂഹമാധ്യമങ്ങളിൽ ഈ യുവാവ് വിവസ്ത്രനായി നടക്കുന്ന വീഡിയോ വ്യാപകമായി പ്രചരിച്ചിരുന്നു. ഗുരുതരമായ മാനസിക രോഗമുള്ളയാളാണ് യുവാവ് എന്ന് അന്വേഷണത്തിൽ തെളിഞ്ഞതായി പോലീസ് അറിയിച്ചു. യു.എ.ഇ നിയമത്തിലെ 358ആം വകുപ്പ് പ്രകാരം പൊതുസ്ഥലത്ത് നഗ്നതാ പ്രദർശനം നടത്തിയാൽ ആറ് മാസം വരെ തടവ് ലഭിച്ചേക്കാം.