January 30, 2023
January 30, 2023
ന്യൂസ്റൂം ബ്യുറോ
റാസല്ഖൈമ: ഫുട്ബാള് മത്സരത്തില് പങ്കെടുക്കാന് തയാറെടുക്കുന്നതിനിടെ മലയാളി യുവാവ് കുഴഞ്ഞുവീണ് മരിച്ചു.മലപ്പുറം നിലമ്പൂർ വടപുരം ചിറ്റങ്ങാടന് വീട്ടില് മൂസക്കുട്ടിയുടെയും സോഫിയയുടെയും മകന് ആഷിഖാണ് (24)റാസൽഖൈമയിൽ മരിച്ചത്.
റാസല്ഖൈമ അല്ഗൈലില് ഞായറാഴ്ച വൈകിട്ടോടെയാണ് സംഭവം ഉണ്ടായത്. അല്ഗൈലിലെ ടര്ഫില് കളിക്കാനായി വാം അപ്പ് ചെയ്യുമ്ബോഴാണ് ആഷിഖിന് ക്ഷീണം അനുഭവപ്പെട്ടത്. തുടര്ന്ന് ആഷിഖ് മൈതാനത്തിന് പുറത്തെ ബെഞ്ചില് വന്നിരുന്നു.
ചെറിയ അസ്വസ്ഥതയാണെന്ന് കരുതി ആശുപത്രിയില് പോയില്ല. എന്നാല് അല്പ്പസമയത്തിനകം ആഷിഖ് കുഴഞ്ഞുവീഴുകയായിരുന്നു. ഉടന് തന്നെ സമീപത്തെ ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല.
പത്ത് ദിവസം മുമ്പാണ് നാട്ടിലെത്തി വിവാഹ നിശ്ചയം കഴിഞ്ഞ് ആഷിഖ് യു.എ.ഇയില് തിരിച്ചെത്തിയത്. മൃതദേഹം ദെയ്ത് ആശുപത്രി മോര്ച്ചറിയില് സൂക്ഷിച്ചിരിക്കുകയാണ്. നടപടിക്രമങ്ങള് പൂര്ത്തിയാക്കി നാട്ടിലെത്തിച്ച് ഖബറടക്കും.
ന്യൂസ്റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/JSu55PzLuSjIOAiVOpZz2i എന്ന ലിങ്കിൽ ജോയിൻ ചെയ്യുക