October 28, 2021
October 28, 2021
ദോഹ : രാജ്യത്തിന്റെ വിവിധ ഭാഗങ്ങളിലായി ഇന്ന് രാവിലെ നടന്ന മഴയ്ക്ക് വേണ്ടിയുള്ള പ്രാർത്ഥനയിൽ സ്വദേശികളും വിദേശികളുമായ ആയിരക്കണക്കിന് വിശ്വാസികൾ പങ്കെടുത്തു.അൽ വജ്‌ബാ ഗ്രൗണ്ടിൽ നടന്ന പ്രത്യേക പ്രാർത്ഥനയിൽ(ഇസ്തിസ്ഖ) ഖത്തർ അമീർ ശൈഖ് തമീം ബിൻ ഹമദ് അൽതാനി,പിതാവ് അമീർ ശൈഖ് ഹമദ് ബിൻ ഖലീഫ അൽതാനി,ശൈഖ് ജാസ്സിം ബിൻ ഹമദ് അൽതാനി ഉൾപെടെ നിരവധി പ്രമുഖർ പങ്കെടുത്തു.
കഴിഞ്ഞ വര്‍ഷം നവംബറിലും ഷെയ്ഖ് തമീമിന്റെ നേതൃത്വത്തില്‍ ഇസ്തിസ്ഖാ പ്രാര്‍ത്ഥന നടന്നിരുന്നു.രാജ്യത്തെ നിരവധി പള്ളികളിലായി രാവിലെ5.54 ന് നടന്ന പ്രത്യേക പ്രാർത്ഥനയിൽ മലയാളികൾ ഉൾപ്പെടെ നിരവധി വിദേശികൾ പങ്കെടുത്തു.
