October 27, 2021
October 27, 2021
അബുദാബി : വസ്തുക്കൾ വാങ്ങാനോ വിൽക്കാനോ ആളുണ്ടോ എന്ന് ഫോൺകോളിലൂടെ അന്വേഷിക്കുന്നവർക്കെതിരെ നടപടി എടുക്കുമെന്ന് അബുദാബി അധികൃതർ. ഈ വിഷയത്തിൽ നിരന്തരമായി പരാതികൾ ലഭിക്കുന്നുണ്ടെന്നും, ഇതിനാലാണ് ഇത്തരക്കാർക്കെതിരെ നടപടികൾ സ്വീകരിക്കാൻ തീരുമാനിച്ചതെന്നും അബുദാബി മുനിസിപാലിറ്റി-ഗതാഗതവകുപ്പ് അറിയിച്ചു.
സമൂഹമാധ്യമങ്ങൾ ഉപയോഗിച്ചോ, ഡിജിറ്റൽ മാർക്കറ്റിംഗിന്റെ അനന്തമായ സാദ്ധ്യതകൾ ഉപയോഗിച്ചോ കച്ചവടങ്ങൾ നടത്താമെന്നും ടെലിമാർക്കറ്റിങ് രീതി പരീക്ഷിക്കരുതെന്നും റിയൽ എസ്റ്റേറ്റ് സ്ഥാപനങ്ങൾക്കും ബ്രോക്കർമാർക്കും നിർദേശം നൽകിയിട്ടുണ്ട്. ഈ നിയമം ലംഘിക്കപ്പെടുന്നതായി ശ്രദ്ധയിൽ പെട്ടാൽ 800 555 എന്ന ടോൾ ഫ്രീ നമ്പറിൽ പരാതിപ്പെടാനും അധികൃതർ നിർദേശം നൽകി.